रियल मड्रिड स्पेनिस कोपा डेल रेय फुटबलको क्वाटरफाइनलमा

३ माघ, काठमाडाैँ । रियल मड्रिड स्पेनिस कोपा डेल रेय फुटबलको क्वाटरफाइनलमा प्रवेश गरेको छ । बुधबार राति लेगानेससँग दोस्रो लेगमा १-० गोलअन्तरले पराजित भएपनि समग्रमा ३-१ गोलअन्तरको जित निकाल्दै रियल क्वाटरफाइनलमा पुगेको हो ।

पहिलो लेगमा रियलले लेगानेसलाई ३-० गोलअन्तरले पराजित गरेको थियो । दोस्रो लेगमा भने लेगानेसले आफ्नै घरेलु मैदानमा रियललाई स्तब्ध बनायो ।