सुनको मूल्यमा भारी गिरावट, कतिमा हुँदैछ कारोबार ?
२४ चैत, काठमाडौं । आइतबार घरेलु बजारमा सुनको मूल्यमा भारी अंकको गिरावट आएको छ । नेपाल सुनचाँदी व्यवसायी महासंघका अनुसार आज सुनको मूल्य प्रतितोला १९ सय रुपैयाँले घटेर छापावाल सुन प्रतितोला १ लाख ७४ हजार ५ सय रुपैयाँ कायम भएको छ ।
गत शुक्रबार पनि सुनको मूल्य तोलामा ३ हजार ९ सयले घटेर प्रतितोला १ लाख ७६ हजार ४ सय रुपैयाँमा कारोबार भएको थियो । आज चाँदीको मूल्य पनि ७० रुपैयाँले घट्दै प्रतितोला १ हजार ८ सय रुपैयाँले कारोबार भईरहेको महासंघले जनाएको छ ।
प्रकाशित मिति : २४ चैत्र २०८१, आईतवार ११:००
