काठमाडौँको धोबी खोलामा कार खस्यो
२१ पुस, काठमाडौँ । काठमाडौँको धोबी खोलामा कार खसेको छ । आइतबार बिहान काठमाडौँको अनामनगरस्थित मदन भण्डारी कलेज नजिकै धोबी खोलामा बीएए ८७१४ नम्बरको कार खसेको हो ।
दुर्घटनामा परेका कार चालक विनीत सिजापति सकुशल रहनुभएको छ। बिहान करिब ५ बजेको समयमा कार खोलामा खसेको सिजापतिले जानकारी दिनुभयो ।
सिजापतिले पुल भनेर तर्न खोज्दा हुस्सुका कारण स्पष्ट नदेखिएर खोलामा झरेको बताउनुभयो ।
प्रकाशित मिति : २१ पुष २०८१, आईतवार ०९:५७
