सुनको मूल्य तोलामै २ हजारले बढ्यो

१९ पुस, काठमाडौँ । नेपाली बजारमा सुनचाँदीको मूल्य बढेको छ । अन्तर्राष्ट्रिय बजारमा देखिएको उतारचढाव र नेपाली बजारमा माग बढेसँगै आज सुन प्रतितोला रू २ हजार बढेको हो ।

बिहीबार प्रतितोला रू १ लाख ५१ हजार ५ सयमा कारोबार भएको सुनको मूल्य आज रु १ लाख ५३ हजार ५ सय कायम भएको नेपाल सुनचाँदी व्यवसायी महासङ्घले जनाएको छ ।

यस्तै, आज चाँदीको मूल्य प्रतितोला रू २० बढेको छ । आज नेपाली बजारमा चाँदी प्रतितोला रू १ हजार आठ सय १० मा कारोबार हुनेछ ।