शुक्रबार ३८ हलमा ५१ दिन मनाउँदै ‘पूर्णबहादुरको सारङ्गी’

 ५ पुस, काठमाडौं । व्यवसायमा कीर्तिमान रच्न सफल चलचित्र ‘पूर्णबहादुरको सारङ्गी’ ले एकपछि अर्को इतिहास रच्दै प्रदर्शनको ५१ दिनमा प्रवेश गरेको छ । फिल्म आजबाट अर्थात् पुस ५ सम्म आइपुग्दा ५१ दिनमा प्रवेश गरेको हो ।

वितरण कम्पनी ब्यांकटेस इन्टरटेनमेन्ट मनोज राठीका अनुसार ‘पूर्णबहादुरको सारङ्गी’ ले शुक्रबार देशभरका ३८ हलमा ५१ दिन मनाउँदैछ । ‘यति धेरै हलबाट फिल्मले पहिलोपटक ५१ दिन मनाउन लागेको हो ।’

फिल्मले ४७ दिनसम्म देशव्यापी ४९ करोडको ग्रस कमाएको थियो । अहिले कति पुग्यो त्यो हिसाब शुक्रबार सार्वजनिक गर्ने तयारीमा ब्यांकटेस इन्टरटेनमेन्टले गरिरहेको छ ।

फिल्म सरोज पौडेले निर्देशन गरेको र फिल्म बाबुछोराको कथामा निर्माण भएको हो ।

चलचित्रमा विजय बराल, अञ्जना बराइली, प्रकाश सपुत र बालकलाकार स्वयं केसीको मुख्य भूमिका रहेको छ ।