नेप्सेमा ३ लाख ८० हजार कित्ता बोनस सेयर सूचीकृत

३० कात्तिक, काठमाडौँ । नेपाल स्टक एक्सचेञ्ज (नेप्से) मा तीन कम्पनीको बोनस सेयर सूचीकृत भएको छ । नेप्सेमा यो साता समाज लघुवित्त, कर्पोरेट डेभलपमेन्ट बैंक र नेपाल ल्युब आयलको ३ लाख ८० हजार ७४० कित्ता बोनस सेयर सूचीकृत भएको हो ।

नेप्सेमा यो साता समाज लघुवित्तको १४.२५ प्रतिशत बोनस बापतको २८ हजार ५०० कित्ता सेयर सूचिकृत भएको छ । यस्तै, कर्पोरेट डेभलपमेन्टको ५ प्रतिशत बापतको २ लाख ५० हजार कित्ता सेयर सूचिकृत भएको छ । गसैगरी, नेपाल ल्युब आयलको १ लाख २२ हजार ४० कित्ता बोनस सेयर सूचीकृत भएको छ ।

नेप्सेमा सूचिकृत उक्त बोनस सेयर अब सम्वन्धित सेयरधनीहरुको हितग्राही खातामा जम्मा भएपछि खरिदबिक्री गर्न सकिनेछ ।