यती एयरलाइन्सले मंगलबारदेखि भैरहवा–पोखरा उडान गर्दै
२६ कात्तिक, काठमाडौं । मंगलबारदेखि यती एयरलाइन्सले भैरहवा–पोखरा–भैरहवा उडान सुरु गर्ने भएको छ ।
भैरहवा–पोखराको उडान समय ११:०५ बजे छ भने पोखरा–भैरहवाको उडान समय ११:४५ बजे तोकिएको यती एयरलाइन्सले जनाएको छ । उक्त रुटको एकतर्फी हवाई भाडा २५ सय रुपैयाँ कायम गरिएको छ ।
गौतमबुद्ध अन्तर्राष्ट्रिय विमानस्थलमा यात्रुहरूको संख्या बढाउनका निम्ती भैरहवा–पोखरा प्रत्यक्ष उडान सुरु गरिएको यती एयरलाइन्सले जानकारी दिएको छ ।
प्रकाशित मिति : २६ कार्तिक २०८१, सोमबार १३:४०
