‘एडुभर्स २०२४’ देशभरका नौ सहरमा आयोजना हुने
२५ कात्तिक, काठमाडौँ । नेपाली विद्यार्थीलाई लक्षित गरी ग्रेस इन्टरनेसनल ग्रुपले ‘एडुभर्स २०२४’ शैक्षिक मेला आयोजना गर्ने भएको छ ।
विदेश अध्ययनमा रुचि राख्ने विद्यार्थीका लागि आयोजना गरिने मेला नोभेम्बर ११ देखि २१ सम्म देशभरका नौ सहरमा सञ्चालन हुने सो संस्थाका संस्थापक निर्देशक एन्ड्रु पौडेलले जानकारी दिनुभयो ।
मेलामा अष्ट्रेलिया, बेलायत, अमेरिका, न्यूजिल्याण्ड, क्यानडा, दुबई, दक्षिण कोरिया र युरोपका विभिन्न विश्वविद्यालय तथा शैक्षिक संस्थाका प्रतिनिधिले विद्यार्थीसँग प्रत्यक्ष भेटघाट र परामर्श दिने उहाँले बताउनुभयो ।
मेलामा विद्यार्थीले २५ भन्दाबढी विदेशी शैक्षिक संस्थाका प्रतिनिधिसँग प्रत्यक्ष भेटघाट र विदेश अध्ययनसम्बन्धी विस्तृत जानकारी लिन पाउनेछन् ।
मेला इटहरीबाट सुरु भई १३ मा काठमाडौँ, चितवन, कावासोती नवलपुर, बुटवल, दाङ, बागलुङ, र पोखरामा आयोजना हुनेछ ।
प्रकाशित मिति : २५ कार्तिक २०८१, आईतवार २२:१४
