नेपाल टेलिकमको प्रबन्ध निर्देशकमा संगीता पहाडी अर्याल

२१ भदौ, काठमाडौँ । नेपाल टेलिकमको प्रबन्ध निर्देशकमा संगीता पहाडी अर्याल नियुक्त हुनुभएको छ । बिहीबार बसेको मन्त्रिपरिषद बैठकले पहाडीलाई टेलिकमको प्रबन्ध निर्देशक नियुक्त गर्ने निर्णय गरेको हो । सञ्चार तथा सूचना प्रविधि मन्त्रालयले गरेको सिफारिसमा अर्याल प्रबन्ध निर्देशक नियुक्त हुनुभएको हो ।

उहाँ खुला प्रतिस्पर्धाको माध्यमबाट प्रबन्ध निर्देशक हुनुभएको हो । प्रबन्ध निर्देशकका लागि अर्यालसहित अनिल झा र विमल आचार्यको नाम सिफारिस भएको थियो । टेलिकमका तत्कालीन प्रबन्ध निर्देशक सुनिल पौडेलमाथि भ्रष्टाचार र अकुत सम्पत्ति आर्जनको मुद्दा लागेर निलम्बन भएसँगै उहाँले टेलिकमको कार्यवाहक प्रबन्ध निर्देशकको रूपमा काम गर्दै आउनु भएको थियो ।