मिस नेपाल २०२४ को ग्राण्ड फिनाले आज, कसले जित्ला उपाधि ?
१९ साउन, काठमाडौं । यसवर्षको मिस नेपालको ग्राण्ड फिनाले सनराइज कन्भेन्सन सेन्टरमा आज बेलुका आयोजना हुँदैछ । प्रतियोगिताको उपाधिका लागि २६ जना फाइनलिस्टहरू भिड्दैछन् ।
द हिडन ट्रेजरको आयोजनामा हुने फिनालेको प्रत्यक्ष प्रसारण आज अपराह्न ४ बजेदेखि हिमालय टिभी एचडीले गर्ने र अनलाइन पार्टनरको रुपमा भने अनलाइनखबर रहेको छ ।
प्रतियोगिताको सबै तयारी भइसकेको र कार्यक्रमलाई भव्य बनाइने द हिडन ट्रेजरले जनाएको छ । नृत्य र संगीतको प्रस्तुतिसहित पूर्वमिस नेपालहरु पनि स्टेजमा देखिनुका साथै मिस इन्टरनेसनलका कार्यकारी निर्देशकदेखि मिस माल्टाको टोलीसहितका अन्तर्राष्ट्रिय पाहुना समेत सहभागी हुनेछन् ।
यसवर्षको मिस नेपालको उपाधि जित्ने प्रतिस्पर्धीले मिस नेपाल-२०२३ की विजेता सृच्छा प्रधानबाट ताज पहिरिनेछिन् ।
प्रकाशित मिति : १९ श्रावण २०८१, शनिबार ११:४८
