एक कम्पनीको नगद लाभांश सेयरधनीहरुको बैंक खातामा जम्मा

२१ माघ, काठमाडौँ । हिमालयन डिष्टिलरी लिमिटेडले आफ्ना सेयरधनीहरूको खातामा नगद लाभांश जम्मा गरेको छ । कम्पनीले गत आर्थिक वर्ष २०७९/८० का लागि घोषणा गरेको १५ प्रतिशत नगद लाभांश माघ ३ गतेदेखि सेयरधनीहरुको बैंक खातामा जम्मा गरेको हो ।

हितग्राही खातामा बैंक खाता अद्यावधिक गराएका सेयरधनीहरुको बैंक खातामा उक्त नगद लाभांश जम्मा गरिएको कम्पनीले जनाएको छ। साथै, भौतिक सेयर अभौतिक नगरेका सेयरधनीहरुलाई अभौतिकिकरण गर्न कम्पनीले अनुरोध गरेको छ।