सर्वोत्तम सिमेन्टको आईपीओमा कति पर्याे आवेदन ? यस्ताे छ अपडेट

२५ पुस, काठमाडाैं । सर्वोत्तम सिमेन्टले वैदेशिक रोजगारीमा रहेका नेपालीका लागि निष्काशन गरेकाे आईपीओमा मागभन्दा बढी आवेदन परेकाे छ । कम्पनीले आज (पुस २५ गते) बुधबारदेखि निष्काशन गरेकाे आईपीओमा आधा दिनमै मागभन्दा बढी आवेदन परेकाे हाे ।

कम्पनीले आजबाट उद्योग प्रभावित स्थानीय र वैदेशिक रोजगारीमा रहेका नेपालीका लागि आईपीओ निष्कासन गरेको थियाे । कम्पनीकाे आईपीओमा दिउसो दुई बजेसम्ममा ३४ सय ४२ आवेदकले २ लाख ६७ हजार ८ सय २० कित्ता सेयर माग गरेका छन्। जुन माग भन्दा बढी हो।

कम्पनीले २ लाख ६७ हजार कित्ता सेयर नेपाल सरकारको सम्बन्धित निकायबाट श्रम स्वीकृती प्राप्त गरी विदेशमा रोजगार गरी रहेका नेपालीहरुका लागि निष्कासन गरेकाे थियाे । त्यस्तै, कम्पनीले उद्योग प्रभावित क्षेत्रका स्थानीय बासिन्दाहरुका लागि ९ लाख ३० हजार कित्ता छुट्याएको छ । यसमा उद्योग प्रभावित क्षेत्र नवरपरासी जिल्लाको सुनवल नगरपालिका वडा नं ३, ४, ५, ६ र १३ तथा उत्खनन् प्रभावित क्षेत्र पाल्पा जिल्लाको रैनादेवी छहरा गाउँपालिका वडा नं १ र २ का स्थानीय बासिन्दाहरुले आवेदन दिन सक्नेछन् । त्यस्तै, रिब्दीकोट गाउँपालिकाको वडा नं २, ३, ४ र ६, तिनाउ गाउँपालिकाको वडा नं १, २ र ३, माथागढी गाउँपालिकाको वडा नं ७ र ८ तथा निस्दी गाउँपालिकाको वडा नं ७ मा बसोबास गर्ने स्थानीय बासिन्दाहरुको लागि छुट्याएको छ ।

बुक बिल्डिंग विधिबाट निष्कासन गरेकाे सेयरको मूल्य पूतिकित्ता ३६०.९० रुपैयाँ निर्धारण गरिएको छ। लगानीकर्ताले न्युनतम ५० कित्ता र अधिकतम १० हजार कित्ताको लागि आवेदन दिन सक्नेछन्।

आयोजना प्रभावित क्षेत्रका बासिन्दाका लागि आईपीओ निष्कासन छिटाेमा माघ १० गते र ढिलोमा माघ २५ गते बन्द हुनेछ । त्यस्तै वैदेशिक रोजगारीमा रहेका नेपालीका लागि भने माघ १० गते बन्द हुनेछ । कम्पनीको सेयर निष्कासन तथा बिक्री प्रबन्धकमा ग्लोबल आइएमई क्यापिटल रहेको छ भने सह निष्काशन तथा बिक्री प्रबन्धकमा एनआइएमबी एस क्यापिटल र प्रभु क्यापिटल लिमिटेड रहेको छन् ।