गोरखाकाे कलश आयल स्टोर्सबाट ४ लाख चोरेर भागेका आयल स्टोर्सकै कर्मचारी पक्राउ
११ कात्तिक, गोरखा । गोरखा नगरपालिका-८ मा रहेको कलश आयल स्टोर्स (पेट्रोल पम्प) बाट नगद चोरेर भाग्ने सोही स्टोर्सका कर्मचारी पक्राउ परेका छन् । नगद ४ लाख ९ हजार चोरेर भागेका मकवानपुरका १८ वर्षीय राज खड्कालाई आइतबार विहान पक्राउ गरिएको जिल्ला प्रहरी कार्यालय गोरखाले जनाएको छ ।
रातको समयमा तेल हाल्न आएको सवारीबाट लिएको रकम चोरेर उनी शनिवार राति नै भागेका थिए । चेकजाँचको क्रममा उनलाइ मझुवा प्रहरी चौकीबाट आइतवार विहान करिब ५ बजे पक्राउ गरिएको प्रहरी निरीक्षक झविन्ऽ भट्टराइले बताए ।
खड्का सोही स्टोर्सको तेल बोक्ने ट्याङकरमा खलासी काम गर्दै आएका थिए । पक्राउ परेका खड्कालाई चोरी मुद्धा दर्ता गरी थप अनुसन्धान भइरहेको उनले बताए ।
प्रकाशित मिति : ११ कार्तिक २०७५, आईतवार १६:२३
