प्रहरी वरिष्ठ नायब निरीक्षक उज्जल पौडेल झुण्डिएको अवस्थामा होटलमा भेटिए

९ साउन, काठमाडाैँ । बागलुङको बडिगाड गाउँपालिकामा नेपाल प्रहरीका प्रहरी वरिष्ठ नायब निरीक्षक उज्जल पौडेल होटलमा झुण्डिएको अवस्थामा फेला परेका छन । पाैडेल बागलुङको इलाका प्रहरी कार्यालय भिमगिठेका इन्चार्ज पौडेल सोमबार राति झुण्डिएको अवस्थामा भेटिएका हुन ।

पाैडेल होटलको तल्लो तलामा पासो लगाएको अवस्थामा भेटिएको बागलुङकी प्रमुख जिल्ला अधिकारी रोशनीकुमारी श्रेष्ठले जानकारी दिइन् । घटनास्थलमा रहेका बडिगाड गाउँपालिकाका उपाध्यक्ष भिमसेन वनका अनुसार घटना सोमबार राति साढे १२ बजेतिरको हो । अहिले प्रहरीले घटनास्थल नियन्त्रणमा लिएर थप अनुसन्धान गरिरहेको छ ।