नेप्सेमा ‘आरबीबी म्युचुअल फन्ड–२’का इकाइहरु सूचिकृत, भोलिदेखि कारोबारमा आउने

११ असार, काठमाडाैं ।  नेपाल स्टक एक्सचेन्ज (नेप्से)मा आरबीबी मर्चेन्ट बैंकिङको सामूहिक लगानी कोष योजनाअन्तर्गत सञ्चालित हुने ‘आरबीबी म्युचुअल फन्ड–२’ सूचीकृत भएको छ।

नेप्सेमा यो योजनाका १० रुपैयाँ अंकित दरका कुल ८ करोड ४६ लाख ११ हजार ९२९ इकाइ सूचीकृत भएको हो। यो योजनाका कुल १२ करोड इकाइ बिक्री खुला गरिएकोमा वितरण गरिएको ८ करोड ४६ लाख ११ हजार ९२९ इकाइ नेप्सेमा सूचीकृत भएको हो। नेप्सेले यो योजनालाई ‘आरएमएफ२’ कारोबार संकेत प्रदान गरेको छ। यो योजनाका इकाइहरु भोलि असार १२ गते मंगलबारबाट कारोबारमा आउनेछन्।