‘साओमी १३ अल्ट्रा’ विश्व बजारमा आउँदै

१९ जेठ, काठमाडौं । साओमीको नयाँ स्मार्टफोन ‘साओमी १३ अल्ट्रा’ विश्व बजारमा आउँदो साता सार्वजनिक हुने भएको छ । शुक्रबार कम्पनीले आफ्नो साइट मार्फत मोबाइल सार्वजनिक हुने मितिको घोषणा गरेको हो । चिनियाँ बजारमा सार्वजनिक भएको साओमी १३ अल्ट्रा अब भने विश्वबजारमा नै आउने भएको छ । यो फोनमा १२० हर्ज रिफ्रेसरेट सहितको ६.७२ इन्चको एमोलेड एलटीपीओ डिस्प्ले उपलब्ध छ । एन्ड्रोइड १३ र मियूआई १४ मा आधारित यो फोनमा स्न्यापड्रागन ८ जेन २ चिपसेट प्रयोग गरिएको छ ।

यो फोन १२ जीबी र्याम सहित २५६ जीबी स्टोरेज र १६ जीबी र्याममा ५१२ जीबी अथवा १ टीबी स्टोरेज भेरियन्टमा उपलब्ध छ । फोनमा ५००० एमएएचको ब्याट्री दिइएको छ जसले ९० वाटको वायर चार्जर र ५० वाटको वायरलेस चार्जिङ सपोर्ट गर्छ । फोनमा ५० मेगापिक्सेलको मुख्य क्यामेरा सहित ३२ मेगापिक्सेलको फ्रन्ट क्यामेरा उपलब्ध छ ।