पाल्पामा बस दुर्घटना हुँदा एक जनाको मृत्यु, ३५ जना घाइते

१० वैशाख, काठमाडौं । पाल्पामा बस दुर्घटना हुँदा एक महिलाको मृत्यु भएको छ भने ३५ जना घाइते भएका छन् । बुटवलबाट बाग्लुङतर्फ जाँदै गरेको लु१ख ५९५६ नम्बरको बस सिद्धार्थ राजमार्गअन्तर्गत जोरधारा नजिकै बिहान सबा ९ बजे दुर्घटना भएको जिल्ला प्रहरी कार्यालय पाल्पाका सूचना अधिकारी प्रहरी नायब उपरीक्षक वीरेन्द्र थापाले जानकारी दिए ।

उनले भने ‘अहिले म घटनास्थलमै छु । बस झण्डै डेढ सय मिटर जति तल खसेको छ । अहिले सम्म ३५ जना घाइते भएको देखिएको छ । त्यस मध्ये तीन जनाको अवस्था चिन्ताजनक छ । घाइतेको उद्दार भइरहेको छ ।’ मृतकको पहिचान खुलेको छैन् । चालक र सहचालकको अवस्था समेत चिन्ताजनक रहेको उनले बताए । उनले बसमा कति जना सवार थिए भन्ने खुलेको छैन् ।