नेप्सेमा थप दुई कम्पनीकाे बाेनस सेयर सूचिकृत, कुनकाे कति ?

२१ फागुन, काठमाडौं । नेपाल स्टक एक्स्चेन्ज (नेप्से) मा थप दुई कम्पनीकाे बोनस सेयर सूचिकृत भएको छ । नेप्सेमा प्रभु बैंक र सेन्चुरी कमर्शियल बैंकको बोनस सेयर सुचिकृत भएको हो ।

१) प्रभु बैंक

नेप्सेमा प्रभु बैंकको ६.५० प्रतिशत बोनस बापतको ८२ लाख ६० हजार ६५७.७१ कित्ता सेयर सुचिकृत भएको हो ।

२) सेन्चुरी कमर्सियल बैंक

नेप्सेमा सेन्चुरी कमर्शियल बैंकको  ४.७५ प्रतिशत बोनस बापतको ४५ लाख ३८ हजार १ सय ६ दशमलव ८७ कित्ता सेयर सुचिकृत भएको हो । सूचीकृतपश्चात् यी दुबै कम्पनीको सेयर सम्बन्धित सेयरधनीको हितग्राही खातामा जम्मा भएपछि सेयरबजारमा कारोबार गर्न सकिने छ ।