विद्यार्थीलार्इ ढिला अाएकाे भन्दै कान फुट्नेगरी चुट्ने नवलपुरका प्रधानाध्यापक पक्राउ

१४ असोज, चितवन । विद्यालयमा ढिला आएको भन्दै विद्यार्थीकाे कानै फुट्नेगरी कुट्ने नवलपुर बुलिङ्टारको प्रधानाध्यापक लार्इ प्रहरीले पक्राउ गरेकाे छ ।  शिव माध्यमिक विद्यालयका प्रधानाध्यापक ओमकुमार श्रेष्ठ विद्यार्थीकाे कान फुटाएकामा  पक्राउ परेका हुन् । गत असोज २ गते कक्षा १० मा अध्ययन गर्ने विद्यार्थी खुमान सार्की नेपालीलाई ढिला आएको भन्दै विद्यालयका  श्रेष्ठले कान फुटाइदिएका थिए ।

नवलपुर प्रहरीले पीडितको उजुरीका आधारमा असोज ११ गते प्रधानाध्यापक श्रेष्ठलाई पक्राउ गरी जिल्ला अदालतबाट म्याद थप गरेको छ ।नवलपुर प्रहरीको मुद्दा शाखाका प्रहरी नायव निरीक्षक टीकाराम पोखरेलले पक्राउ परेका श्रेष्ठको ८ दिनको म्याद थप गरिएको जानकारी दिए । कुटपिट एवं अंगभंग गर्ने महलमा उनीविरुद्ध मुद्दा चलाइएको छ ।

पीडित खुमानका बुवा वीरबहादुर सार्कीले जिल्ला प्रहरी कार्यालय नवलपुरमा असोज ५ गते किटानी जाहेरी दिएका थिए । भरतपुर अस्पतालका नाक, कान घाँटी रोग विज्ञषेश डा. रमेश भण्डारीका अनुसार प्रधानाध्यापकको कुटाइबाट खुमानको कानको जालीमा क्षति भएको छ । उनको सुन्ने क्षमतामा समेत कमी आएको डा. भण्डारीको भनाइ छ ।

घरबाट झण्डै डेढ घण्टा हिँडेर विद्यालय पुग्ने गरेका खुमानसहितका १० विद्यार्थीले प्रअ श्रेष्ठले १५ मिनेट ढिला आएको भन्दै लाइन लगाएर चुटेका थिए ।