नारायणकाजी श्रेष्ठले भनेः कोही भ्रममा नपराैँ नेकपाको एकता सुदृढ हुन्छ
१३ असोज, काठमाडाैँ । नेपाल कम्युनिष्ट पार्टी नेकपाका प्रवक्ता नारायणकाजी श्रेष्ठले नेकपाको एकता सुदृढ हुने बताएका छन । सामाजिक सञ्जाल ट्वीटरमा पार्टीको अान्तरिक विषयलार्इ लिएर मिडियामा अाएका समाचारबारे लेख्दै प्रवक्ता श्रेष्ठले नेकपाको एकता सुदृढ हुनेछ भन्दै भ्रममा नपर्न अाग्रह गरेका छन ।
उनले लेखेका छन ‘हाम्रो पार्टीको सामान्य बिषयमा भएको छलफललाई अतिरञ्जित ढँगले प्रचार गर्नुको कुनै अर्थ छैन।सामाजिक न्याय सहितको समृद्धिको तात्कालिन लक्ष र समाजवादको दीर्घकालीन लक्षलाई केन्द्रमा राखेर सबै नेपाली कम्युनिष्टहरुलाई एउटै पार्टीमा गोलबन्द गर्न बनेको नेकपाको एकता सुदृढ हुनेछ । भ्रममा नपरौं’
शनिबार नै साँझ ट्वीट मार्फत श्रेष्ठले बर्तमान सरकारप्रतिको आलोचना-टिप्पणी सरकारलाई थप प्रभावकारी एवं सफल बनाउने उदेश्यलेमात्र हुनुपर्ने बताएका थिए । उनले यतिबेला यो सरकारको बिकल्पको सोच देश,जनता,पार्टी र आन्दोलनको पक्षमा हुँदैन।अहिले त्यस्तो कल्पना गर्नु पनि गलत हुने बताएका छन ।
हाम्रो पार्टीको सामान्य बिषयमा भएको छलफललाई अतिरञ्जित ढँगले प्रचार गर्नुको कुनै अर्थ छैन।सामाजिक न्याय सहितको समृद्धिको तात्कालिन लक्ष र समाजवादको दीर्घकालीन लक्षलाई केन्द्रमा राखेर सबै नेपाली कम्युनिष्टहरुलाई एउटै पार्टीमा गोलबन्द गर्न बनेको नेकपाको एकता सुदृढ हुनेछ।भ्रममा नपरौं
— NKShresthaPrakash (@nksthaprakash) September 29, 2018
प्रकाशित मिति : १३ आश्विन २०७५, शनिबार २३:१९
