विछोडको चर्चा धेरै
-ताराप्रसाद वस्ती
विछोडको चर्चा धेरै फैलिएछ जनजन
नभन भो कैल्यै अब तिमी मेरो आफ्नो बन ।
प्रेमिल डुङ्गा सँगै तर्ने मनमा धोको थियो भने
फाइदा किन लियौ भन भजाइ मेरो सोझोपन ।
बहाना नि कतिकति अझै कति होलान बाँकी
कसैलाई नि नसिकाउ भो मायाजालमा परिरहन ।
अब तिमी बाँकी छैनौ आँशु सँगसँगै बग्यौ
खुशीको त्यो रथ चलाउ अझै रमाइ-रमाइकन ।
फेरि भन्छु नखोज है बिर्सिदेउ अब मलाई
सम्हालेर राख बरू बहकिने तिम्रो मन ।
बिछोडको चर्चा धेरै फैलिएछ जनजन
नभन भो कैल्यै अब तिमी मेरो आफ्नो बन ।
(वस्तीको गीतसंग्रह तारापुञ्जबाट साभार- प्रधानसम्पादक)
प्रकाशित मिति : २८ माघ २०७९, शनिबार १५:०१
