अाफ्नाे जिम्मेवारी कुशलतापूर्वक सम्पादन नगर्ने कर्मचारीलाई बर्खास्त गर्छु: मन्त्री पण्डित
११ असाेज, काठमाडाैँ । संघीय मामिला तथा सामान्य प्रशासन मन्त्री लालबाबु पण्डितले अाफ्नाे जिम्मेवारी कुशलतापूर्वक सम्पादन नगर्ने कर्मचारीलाई बर्खास्त गर्ने चेतावनी दिएका छन् । आफ्नो क्षमतालाई राष्ट्र र जनताको हितमा उपयोग गर्न कर्मचारीहरुलाई मन्त्री पण्डितले आग्रह गरे । उनले कर्मचारीहरुको क्षमता बढाउने काममा केन्द्रित हुन नेपाल प्रशासनिक प्रशिक्षण प्रतिष्ठानलाई निर्देशन पनि दिए ।
प्रतिष्ठानको ३६ औं वार्षिकोत्सव समारोहलाई बिहीबार सम्बोधन गर्दै मन्त्री पण्डितले इमान्दार भएर कार्य क्षेत्रमा खटिन पनि सबै कर्मचारीहरुलाई सचेत गराए । मन्त्री पण्डितले पाएको जिम्मेवारी कुशलतापूर्वक सम्पादन गर्न नसकेको भन्दै कर्मचारीहरुप्रति असन्तुष्टि पनि व्यक्त गरे । कार्यक्रममा मन्त्री पण्डितले उत्कृष्ट कर्मचारीहरुलाई सम्मान गरे ।
प्रकाशित मिति : ११ आश्विन २०७५, बिहीबार १८:०४
