हुस्सुका कारण भरतपुरको उडान प्रभावित
-प्रदीप घिमिरे
२९ मंसिर, चितवन । भिजिबिलिटी कम हुँदा भरतपुर विमानस्थलको उडान प्रभावित भएको छ । कम्पनीहरुले यसबारे यात्रुलाई सूचित गरेका छन् । भरतपुर विमानस्थलमा बिहान सबेरै हुने उडान आज बिहान ११ बजेर १० मिनेटबाट मात्र सुचारु भएको थियो ।
भरतपुर विमानस्थलका प्रमुख दिपक विकले कुहिरो सहितको बाक्लो हुस्सुका कारण उडान ढिला गरी सुरु भएको बताए । उनले भने, ‘ बिहान ७ बजेबाट सुरु हुने उडान आज बिहान ११ बजेर १० मिनेट जादा सुरु भएको थियो ।
हुस्सु लाग्ने मौसममा यस्तै हो । कहिलेकाहीँ दिउँसोसम्म पनि अवरुद्ध हुन सक्छ बिकले भने । चितवनमा हिजो देखि बाक्लो हुस्सु लाग्दा चिसो पनि निकै बढेको छ ।
प्रकाशित मिति : २९ मंसिर २०७९, बिहीबार १६:४१
