निर्मला हत्या प्रकरणबारे राष्ट्रपतिले मुख खोलिनः न्यायको खोजिमा परिवार भाैतारिन पर्नु दुःखद्

२९ भदाै, काठमाडाैँ । राष्ट्रपति विद्यादेवी भण्डारीले कञ्चनपुर भिमदत्तनगरकी बालिका निर्मला पन्तको बलात्कारपछि हत्या जस्तो जघन्य अपराधको घटनाले आफूलाई चिन्तित तुल्याएको बताएकी छन् ।

राष्ट्रिय बालअधिकार दिवसको अवसर पारेर शुक्रबार काठमाडौंमा आयोजित एक कार्यक्रममा राष्ट्रपति भण्डारीले सो घटनामा संलग्न अपराधीलाई कानुनको दायरामा ल्याई दण्डित गर्न सबै पक्षलाई संवेदनशील हुन ध्यानाकर्षण गराइन् ।

उनले बलात्कारपछि हत्या गरिएकी निर्मला पन्तको परिवारले न्यायको खोजीमा छटपटाउँदै हिँडने अवस्था आउनु दुःखद भएको उल्लेख गर्दैै दोषीलाई खोजी गरी पीडित परिवारलाई न्याय दिन ढिलाइ नगर्न सबै पक्षलाई अाग्रह गरिन्।