कांग्रेस केन्द्रीय समिति बैठक बस्दै नबसी एक हप्ताका लागि सर्यो

२१ भदाै, काठमाडाैँ । नेपाली कांग्रेसको केन्द्रीय कार्य समितिको बैठक बस्दै नबसी एकहप्ता सरेको छ । विहीबार बिहान ११ बजेका लागि बोलाइएको बैठक नेताहरुको व्यस्तताका कारण देखाउँदै भदौ २८ गतेका लागि सारिएको कांग्रेस केन्द्रीय कार्यालयले विज्ञप्ति मार्फत जनाएको छ ।

पार्टीको अनुशासन समिति र कार्यसम्पादन समिति गठन गर्न बैठक बोलाइएको थियो । सभापति शेरवहादुर देउवा र बरिष्ठ नेता रामचन्द्र पौडेल पक्षबीच दुवै समितिमा राख्ने नेताहरुको नामका विषयमा थप गृहकार्य गरेर २८ गतेको बैठकमा पेश गर्ने तयारी भएको नेताहरूले बताएका छन ।