अाफ्नै मामाकाे छाेरी बलात्कार गर्ने हरिषबहादुर कुँवर पक्राउ

१८ भदाै, कैलाली । अाफ्नै मामाकाे छाेरीलार्इ बलात्कार गरेकाे अाराेपमा एकजना पक्राउ परेका छन् । कैलालीको घोडाघोडी नगरपालिका– ६ का ३२ वर्षीय हरिषबहादुर कुँवरले आफ्नै नाता पर्ने १३ वर्षीया किशोरीलाई बलात्कार गरेको अभियोगमा पक्राउ परेका छन् । उनले अाफ्नी छाेरीसँगै कक्षा ६ मा पढ्ने किशाेरीलार्इ भदौ १३ गते राति बलात्कार गरेका हुन् ।

उनले यही भदौ १३ गते राति ती किशोरीलाई बलात्कार गरेको आरोप छ । विशेष सुराकीका आधारमा आइतवार साँझ ७ बजे लम्की चुहा नगरपालिका–१० चुहाबाट पक्राउ परेका कुँवरलाई जिल्ला प्रहरी कार्यालय कैलालीले सोमवार पत्रकार सम्मेलन गरी सार्वजनिक गरेको हो ।

उनले घरमा ती किशोरी र उनका अशक्त हजुरबुवा मात्रै भएकाे मौका छोपेर राति १० बजे घरमा प्रवेश गरी बालिकाकै सलले दुवै हात बाँधेर मुखमा कपडा कोची जवर्जस्तीकरणी  गरेकाे र  करणीपश्चात बालिका बेहोस् भएपछि मरी भनेर छाडेकाे बयान प्रहरीमा दिएका छन् ।

प्रहरीले कुँवरविरुद्ध जबर्जस्तीकरणीको मुद्दा चलाएको छ । मुलुकी अपराध संहिताको दफा २१९ को उपदफा ३ (ख) बमोजिम १४ देखि १६ वर्षसम्म कैद र २२८ बमोजिम क्षर्तिपूर्ति भराउने व्यवस्था छ ।