याक एन्ड यती र हायात रिजेन्सी होटलका सञ्चालक राधेश्याम सराफको निधन
८ चैत, काठमाडाैँ । प्रतिष्ठित होटल व्यवसायी एवं याक एन्ड यती र हायात रिजेन्सीका सञ्चालक राधेश्याम सराफको मंगलबार निधन भएको छ। मेदान्त अस्पतालमा उपचारको क्रममा सराफको निधन भएको परिवारले जनाएको छ ।
सराफको पार्थिव शरिर चार्टर्ड विमानबाट काठमाडौं ल्याएर आजै पशुपति आर्यघाटमा अन्त्येष्टि गर्ने तयारी परिवारले गरेको छ । स्वास्थ्यमा समस्या देखिएपछि ९२ वर्षका सराफ एक महिनादेखि मेदान्तमा उपचार गराइरहेका थिए ।
सराफ भारतको गुवाहाटीमा जन्मिएका भए पनि ४५ वर्षदेखि नेपालमै होटल व्यवसाय गरेर बसिरहेका थिए ।
प्रकाशित मिति : ९ चैत्र २०७८, बुधबार ०९:००
