धनुषामा टिपरको ठक्करबाट एक जनाको मृत्यु
२६ साउन, धनुषा । धनुषामा टिपरको ठक्करबाट आज एक जनाको मृत्यु भएको छ । धनुषाधाम नगरपालिका–५ नौ सय बिगाहाका २६ वर्षीय उमेश दासको मृत्यु भएको हो । ढल्केवरबाट जनकपुरतर्फ आउँदै गरेको बा८ख ११७० नंको टिपरले विपरीत दिशाबाट जाँदै गरेको ज१०प ८४३२ नंको मोटरसाइकललाई क्षिरेश्वर नगरपालिका–५ महेन्द्रनगरको औरही पुल नजिक ठक्कर दिएको थियो । गम्भीर घाइते दासको उपचारका क्रममा जनकपुर अञ्चल अस्पतालमा मृत्यु प्रहरीले जनाएको छ । टिपर र मोटरसाइकल इलाका प्रहरी कार्यालय महेन्द्रनगरको नियन्त्रणमा रहेको प्रहरीले जनाएको छ ।
प्रकाशित मिति : २६ श्रावण २०७५, शनिबार २१:२०
