एसिसी एसिया कप छनोटको खेल तालिका सार्वजनिक, नेपालले ओमानसँग प्रतिस्पर्धा गर्ने
११ साउन, काठमाडौँ । एसिसी एसिया कप छनोटको खेल तालिका सार्वजनिक गरिएको भएको छ । शुक्रबार सार्वजनिक तालिका अनुसार मलेसियामा आगामी भदौ ११ देखि २२ गतेसम्म हुने प्रतियोगिताको पहिलो खेलमा नेपालले ओमानसँग प्रतिस्पर्धा गर्नेछ ।
यसअघि भारतमा हुने भनिएको प्रतियोगिता मलेसियामा हुने एसियाली क्रिकेट काउन्सिल (एसिसी) ले बिहीबारमात्र जनाएको थियो । ६ टिमबीच छनोटका निम्ति प्रतिस्पर्धा हुनेछ । युएई, हङकङ, नेपाल, सिंगापुर, मलेसिया र ओमानबीच प्रतिस्पर्धा हुनेछ ।
प्रतियोगिताको विजेता टिम एसिया कपका लागि छनोट हुनेछ । नेपाल र युइई एकदिवसीय मान्यता प्राप्त राष्ट्र हुन् । त्यसैले नेपाल र युएईबीचको खेल एकदिवसीय हुनेछ ।
प्रकाशित मिति : ११ श्रावण २०७५, शुक्रबार १८:३६
