धनगढीमाई नगरपालिकाको बजेट  ५९ करोड ९९ लाख

९ साउन, लहान।  सिरहाको धनगढीमाई नगरपालिकाले आर्थिक वर्ष ०७५÷०७६ का लागि रु ५९ करोड ९९ लाख ७२ हजार बराबरको बजेट पारित गरेको छ ।

दोश्रो नगरसभाको निर्णयहरु सार्वजनिक गर्न आज यहाँ आयोजित पत्रकार सम्मेलनमा नगरप्रमुख हरिनारायण चौधरीले अघिल्लो आर्थिक वर्षमा ८० प्रतिशत विकास निर्माणको काम सम्पन्न भएको दाबी गर्नुहुँदै गत आर्थिक वर्षमा नगरक्षेत्रभित्रका ५ किलो मिटर सडक कालोपत्रे गरेको जानकारी दिनुभयो ।

यो आर्थिक वर्षमा एकीकृत नगर विकास योजना, नगर शिक्षा योजना, पर्यटन गुरुयोजना, शिक्षाको भौतिक तथा शैक्षिक सुधारका कार्यक्रम, स्वास्थ्यक्षेत्रमा औषधि आपूर्ति तथा भौतिक सुधार योजना निर्माण गरेको नगरप्रमुख चौधरीको कथन छ ।