विश्वकप छनोटः पाराग्वेसँग रोकियो अर्जेन्टिना
२२ असोज, काठमाडाैँ । विश्वकप छनोट अन्तर्गत दक्षिण अमेरिकी छनोटमा अर्जेन्टिना पाराग्वेसँग बराबरीमा रोकिएको छ । शुक्रबार बिहान भएको खेलमा कोपा अमेरिकी च्याम्पियन अर्जेन्टिना पाराग्वेसँग गोलरहीत बराबरीमा रोकिदै अंक बाँड बाध्य भएको हो ।
घरेलु मैदानमा पाराग्वेले लियोनल मेस्सीको कप्तानीमा रहेको अर्जेन्टिनालाई रोक्न सफल भयो । बराबरीसँगै अपराजित रहेको अर्जेन्टिना ९ खेलबाट १९ अंकसहित दोस्रो स्थानमा छ । पाराग्वे १० खेलबाट १२ अंकका साथ छैटौँ स्थानमा छ ।
दक्षिण अमेरिकी छनोटमा ब्राजिल ९ खेलबाट २४ अंकसहित शीर्ष स्थानमा छ । बिहानै भएको खेलमा उरुग्वे कोलम्बियासङ गोलरहीत बराबरीमा रोकिएको छ ।
प्रकाशित मिति : २२ आश्विन २०७८, शुक्रबार ०७:५२
