झापामा ८ महिनाकी छोरीसहित बाबु, आमा झुण्डिएको अवस्थामा मृत फेला
७ भदौ, काठमाडौँ । झापामा एकै परिवारका तीन जना झुण्डिएकाे अवस्थामा मृत फेला परेका छन् । झापाको कन्काइ नगरपालिका-१ मा आठ महिने छोरीसहित एक दम्पत्ती झुण्डिएको अवस्थामा मृत फेला परेका हाे ।
जिल्ला प्रहरी कार्यलय झापाका एसपी सानुराम भट्टराईका अनुसार मृत्यु हुनेमा ३४ वर्षका रविन बिक, उनकी श्रीमती २९ वर्षकी मुना बिक र आठ महिनाकी छोरी रुविना बिक रहेका छन् ।
प्रहरीका अनुसार उनिहरू घरको ढोका भित्रबाट चुकुल लगाएर झुण्डिएको अवस्थामा फेला परेका छन् । मृतकका आफन्तका अनुसार उनीहरु कोरोना संक्रमित थिए ।
प्रकाशित मिति : ७ भाद्र २०७८, सोमबार १०:५८