अंश माग्ने डरले १६ वर्षीया छोरीको मट्टितेल छर्की जलाएर हत्या
२३ असार, रुपन्देही । रुपन्देहीमा एक बाबुले आफ्नै छोरीको मट्टितेल छर्की जलाएर हत्या गरेका छन । रुपन्देहीको कञ्चन गाउपालिका–५ की १६ वर्षीया समीक्षा ठकुरीको जलाएर हत्या गरिएको हो । उनको बुबा तेजबहादुर ठकुरीले आमा र बहिनीहरुको सहयोगमा मट्टितेल छर्की जलाएर हत्या गरेको प्रहरीले जनाएको छ । समीक्षाको उपचारका क्रममा मृत्यु भएको थियो ।
आफ्नै घरमा सुतेको अवःथामा जलेर गम्भीर घाइते भएकी समीक्षा ठकुरीको उपचारका क्रममा असार २० गते ज्यान गएको थियो । मृतककी आमा माया थापा ठकुरीले इलाका प्रहरी कार्यालय सालझण्डीमा शुक्रबार किटानी जाहेरी दिएपछि घटना बाहिर आएको छ । मायाले मृतकका बुबा तेजबहादुर, हजुरआमा हरिकला र फुपुहरु मधु ठकुरी थापा र अमृता ठकुरी थापाविरुद्ध किटानी जाहेरी दिएकी छन ।
समीक्षा जन्मिएको ९ महिना हुँदा उनका बुबाले दोस्रो बिहे गरेसँगै उनकी आमालाई कुटपिट गरेपछि आमा–छोरी माइत बस्न थालेका थिए । रूपन्देही प्रमुख प्रमुख श्याम ज्ञवालीले भने घटनाको प्रकृतिले हत्या जस्तो देखिएको तर, परिवार वा कसले भन्ने स्पष्ट नभएको बताएका छन ।
प्रकाशित मिति : २३ असार २०७५, शनिबार ०८:५४
