संविधान संशोधनमा एमाले तयार, आज सहमतिमा हस्ताक्षर हुँदै
१६ फागुन, काठमाडौँ । संविधान संशोधन आवश्यकता र औचित्यका आधारमा गर्न एमाले तयार भएको छ । दुई तिहाइ बुहमतको सरकार निर्माणका लागि एमालेले संविधान संशोधनमा सहमत भएको हो ।
संविधान संशोधन गर्ने सहमतिमा आज संघीय समाजवादी फोरम र एमालेका बीचमा हस्ताक्षर हुँदै छ । एमाले र संघीय समाजवादी फोरमका नेताहरुबीच मंगलवार विभिन्न चरणमा छलफल भएको थियो ।
आज दिउँसोसम्ममा सहमतिको खाका तयार गरी साँझसम्ममा हस्ताक्षर हुने एमालेका एक नेताले दैनिकीलाई जानकारी दिए । सहमतिले एमालेलाई प्रदेश २ को सरकारमा सहभागी गराउने छ भने फोरम संघीय सरकारमा सहभागी हुनेछ ।
प्रकाशित मिति : १६ फाल्गुन २०७४, बुधबार ०८:१६
