“बोल माया बोल” भन्दै रुदै थिइन् उनी (गजल)
–गणेश आचार्य
“बोल माया बोल” भन्दै रुदै थिइन् उनी ।
बलिन्द्र ति आँशुले मुख धुदै थिइन् उनी ।
कमाउन गएको लोग्ने आयो बाकसमा
भक्कानिदै भावविब्हल हुदै थिइन् उनी ।
गर्भवती रैछिन् बरै, पेटमा सानो बच्चा
जन्माउकी मार्दिउ भन्दै छुदै थिइन् उनी ।
नियतीले ठग्यो उनलाई पछुताउदै थिइन्
धन कमाउन पठाउने नि खुदै थिइन् उनी ।
सँगै जिउने सँगै मर्ने दुई मुटुको वाचा
छाडी गयो एउटा मुटु जिउदै थिइन् उनी ।
जैमिनी न.पा.५
हाल इटाली
प्रकाशित मिति : १२ असार २०७५, मंगलवार १०:४६
