विश्वकप फुटबलमा ट्युनिसियामाथि बेल्जियमको ५–२ गोल अन्तरको शानदार जित

९ असार, काठमाडौँ । रुसमा जारी विश्वकप फुटबल प्रतियोगितामा बेल्जियमले सानदार जित दर्ता गरेको छ । शनिबार भएको समूह ’जी’ को खेलमा बेल्जियमले ट्युनिसियामाथि ५–२ गोलको जित दर्ता गरेको हो ।

लगातार दोस्रो खेलमा जित हात पारेसँगै बेल्जियम अन्तिम १६ नजिक पुगेको छ। यसअघि बेल्जियमले पहिलो खेलमा पानामालाई ३–० गोलले पराजित गरेको थियो । बेल्जियमको जितमा रोमेलु लुकाकु र इडिन हजार्डले २–२ गोल गर्दा बाट्सुयायीले १ गोल थपे ।