कुसंस्कारका पर्खालहरु ढाल्दिउ जस्तो लाग्छ (गजल)
–सीता शर्मा
कुसंस्कारका पर्खालहरु ढाल्दिउ जस्तो लाग्छ
चेतनाको दियो देशैभर बाल्दिउ जस्तो लाग्छ ।
घरै अगाडी फोहोर थुपारी नाक थुन्ने मनुवाको
दिमागको गोबर झिकी फाल्दिउ जस्तो लाग्छ ।
महङ्गिको विरुद्धमा टायर बाल्दा विद्यार्थीले
आन्दोलनको आगोमा घिउ हाल्दिउ जस्तो लाग्छ ।
माथि देखी तल सम्म भ्रष्टाचारको जालैजालो
बिकास बजेट चुहावटलाई टाल्दिउ जस्तो लाग्छ।
सडक पेटीमा बेवारिसे बृद्बृ-बृद्दा अनाथ देख्दा
थामिन्न मन घरमै ल्याइ पाल्दिउ जस्तो लाग्छ ।
हाल; लमही ५ दाङ
प्रकाशित मिति : २ असार २०७५, शनिबार १२:०३
