विजुली चोर्दाचोर्दै २ वडाअध्यक्ष पक्राउ
१ असार, काठमाडौ । विजुली चोरी नियन्त्रणका लागि बिहीबार खटिएको नेपाल विद्युत प्राधिकरणको टोलीले विजुली चोर्दै गरेका २ वडाध्यक्षहरुलाई पक्राउ गरेको छ ।विजुली चोरीमा संलग्न रहेका काभ्रेका वडाध्यक्ष नारायण लम्साल र सप्तरीका वडाध्यक्ष रामानन्द चौधरीलाई पक्राउ गरेको हो ।
सुरक्षाकर्मीसहित खटिएको प्राधिकरण काभ्रे वितरण केन्द्रकोे टोलीले वडाध्यक्ष लम्सालले कुन्ताबेंसीमा हुकिङ गरी कुखुरा र्फममा विद्युत 
प्रयोग गरेको फेला पारेपछि पक्राउ गरेको थियो । पक्राउ गरी लम्साललाई जिल्ला प्रहरी कार्यालय धुलिखेलमा राखिएको थियो । उनी जरिवाना तिरी शुक्रबार रिहा भएका छन् ।
जविराज वितरण केन्द्रको टोलीले तिरहुत गाउँपालिकाका वडाध्यक्ष रामानन्द चौधरीले हुकिङ गरी घरमा विद्युत प्रयोग गरेको फेला पारी वडाध्यक्ष सहित हुकिङ गर्ने २१ जनालाई पक्राउ गरेको थियो । वडाध्यक्ष चौधरी १५ हजार जरिवाना तिरी शुक्रबार छुटेका छन् ।
विद्युत चोरी नियन्त्रण ऐन(२०५८ र नियमावली २०५९ मा विद्युत चोरी गरेर प्रयोग गरिएका उपकरणलाई लाग्ने लोडको आधारमा हिसाब गरी एक वर्षको जरिवाना तिराउने व्यवस्था छ ।
चुहावट नियन्त्रणका लागि प्राधिकरणले चोरी नियन्त्रण गर्ने ,महशुल बक्यौता असुलीमा कडाई गर्ने, प्राविधिक चुहावट घटाउन ट्रान्सर्फमर तथा वितरण लाइनको सदृढीकरण लगायतका काम अभियानकै रुपमा चलाइरहेको छ ।
प्रकाशित मिति : १ असार २०७५, शुक्रबार १६:२२
