‘मेहन्दी’ फिल्मका अभिनेता फराज खानको निधन

१९ कात्तिक, मुम्बई । अभिनेता फराज खानको निधन भएको छ । लामो समयदेखि अस्पतालमा उपचारर्थ खानकाे ४६ बर्षकाे उमेरमा  निधन भएकाे हाे । उनलाई न्युरोलोजिकल डिसअडरका कारण भेन्टिलेटरमा राखिएको थियो । खानको निधनले बलिउड फिल्म उद्योग शोकमा डुबेको छ ।

अभिनेत्री पूजा भट्टले उनको निधनमा शोक ब्यक्त गरेकी छिन् । पूजाले केही दिन पहिले उनलाई मद्दत समेत गरेकी थिइन् । अभिनेता सलमान खान पनि उनको मद्दतका लागि अगाडि सरि अस्पतालको खर्च ब्यहोरेका थिए ।

फराज खान ९० को दशकको अत्य र २००० को शुरुवातको समय इन्ड्रट्रिजमा निकै सक्रिय थिए । उनले ‘फरेब’, ‘पृथ्बी’, ‘मेहन्दी’, ‘दुल्हन बनु मै तेरी’, ‘दलिले फिर याद किया’, ‘चाँद बुझ गया’ जस्ता सुपरहिट फिल्मका काम गरेका छन् । फिल्मको अलवा फराजले टिभी शोमा पनि काम गरेका छन् । उनले ‘लिपस्टिक’, ‘सिन्दुर तेरे नामका’, ‘नीली आँखे’ जस्तो टिभी शोमा काम गरेका थिए ।