साेमबार ५८१ जनामा कोरोना संक्रमण पुष्टि, संक्रमितको संख्या २७ हजार २ सय ४१ पुग्याे

३२ साउन, काठमाडाैँ । नेपालमा आइतबार थप ५८१ जनामा कोरोना भाइरसको संक्रमण पुष्टि भएको छ । यो सँगै कोरोना संक्रमितको संख्या २७ हजार २ सय ४१ पुगेको छ । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले नियमित लाइभ अपडेटमा उक्त जानकारी दिएका हुन् । सक्रिय संक्रमितकाे संख्या ९ हजार ६ सय ३९ रहेका छन् ।

पछिल्लो २४ घण्टामा थप १५९ जना कोरोना संक्रमणमुक्त भएका छन् । योसँगै नेपालमा कोरोना संक्रमण भएर निको हुनेको संख्या हालसम्म १७ हजार ४ सय ९५ पुगेको छ । हालसम्म कोरोनाले ज्यान गुमाउनेको संख्या १०४ पुगेको छ ।