मैले नुवाकोटका जनतालाई खुरापाती भनेको हैनः एसपी कुँवर

१३ जेठ, नुवाकोट । नुवाकोटका प्रहरी प्रमुख एसपी बसन्त कुँवरले नुवाकोटका जनतालाई आफूले खुरापातीको उपमा नदिएको प्रष्ट पारेका छन । सोमबार दैनिकीसँग कुरा गर्दै एसपी कुँवरले आफूले कार्यक्रममा बोलाएको विषयलाई बंग्यार गलत प्रचार गरिएको बताए । उनले भने, ‘कार्यक्रममा मैले केही कुरा राखेकु हुँ, खुरापाती भन्ने शब्द उच्चारण पनि गरेको छु तर नुवाकोटका जनतालाई त्यसो भनेको होइन । मैले तस्करी गर्न पाउनुपर्छ भन्नेर अनेकन तिकड्म गर्नेहरुलाई खुरापाती भनेको हुँ ।’

अदालतको आदेशपछि जिल्लाका क्रसर उद्योगहरु सबै बन्द भएपछि नुवाकोट उद्योग वाणिज्य संघले आयोजना गरेको समन्वयात्मक छलफल कार्यक्रममा एसपी कुँवरले अदालतको आदेश सबैले मान्नु पर्ने भन्दै कानुनको पालना सबैको कर्तव्य भएकाले कुनै विषयमा चित्त नबुझे कानुनी बाटोबाटै त्यसको निकास खोज्न आफूले सुझाव दिएको तर त्यसो नगरी खुरापाती गरेको भन्दै व्यवसायीप्रति आक्रोश व्यक्त गरेका थिए ।

पछिल्लो पटक नदी जन्य पदार्थको तस्करीमा नियन्त्रणमा काम गरिरहेका कुँवरको अडानका कारण गलत नियत भएका व्यवसायी तनावमा परेका छन ।