नांगो प्रस्तुतिका कारण यी गायिका चर्चामा
२ पुस, काठमाडाैँ । चर्चित अमेरिकी गायिका म्याडोना विभिन्न कारणले हमेसा चर्चामा रहन्छिन् । यसपटक भने उनी होइन उनकी जेठी छोरी लुरजस लियान चर्चामा छिन् । हालै लुरजसले मियामीमा चलिरहेको ‘आर्ट बल’मा नांगो प्रस्तुति दिएकी छन् । उनको यो प्रस्तुतिका कारण उनी चर्चामा आएकी हुन् ।
डेली मिररको रिपोर्टअनुसार, २३ वर्षको अर्ध क्यासबियन लुरजसले लगभग ३० अन्य कलाकारको साथमा यो प्रस्तुति दिएकी हुन् । प्रस्तुतिको समयमा लुरजसले एक टुक्रो मात्रै कपडा लगाएकी थिइन् । उनीबाहेक बाँकी सबै कलाकार लगभग नांगै थिए । यो प्रस्तुतिको क्रममा पाँच फिट ७ इन्च अग्ली लुरजसले ‘अण्डर आर्म्स्’ सफा गरेकी थिइनन् ।
उनी प्रस्तुतिको क्रममा डान्स गर्दै स्टेजबाट भीडसम्म आएकी थिइन् । लुरजसले आफ्नी आमाले जस्तै मिचिगन स्कुल अफ म्युजिक थिएटर तथा डान्स एकेडेमीबाट डिग्री गरेकी छन् । अन्नपूर्ण दैनिकमा यो खबर प्रकाशित छ ।
प्रकाशित मिति : २ पुष २०७६, बुधबार ०६:५९
