फागुन ३० मा नीरफूल

३० मंसिर, काठमाडौं । नेपाली फिल्म नीरफूलको रिलिज डेट फागुन ३० लाई तय गरिएको छ । पत्रकार फूलमान बलले निर्देशन गरेको नीरफूलको रिलिज भदौ २७ मै हुने भनिए पनि पोस्ट प्रोडक्सनको ढिलाईले पछि सरेको हो ।

फिल्ममा दयाहाङ राई, रेखा थापा, शान्ति वाइबा, बुद्धि तामाङ, पुष्कर गुरुङलगायतको अभिनय छ । फिल्म भूकम्पले बिछोडिएका परिवारको प्रेमकथा आधारित छ । फिल्मलाई गणेश हिमाल क्षेत्रमा पर्ने धादिङको रुबी-भ्याली र काठमाडौंमा छायांकन गरिएको हो ।

फिल्मको पटकथा निर्देशक बल र सचिन घिमिरेले लेखेका हुन् । प्रमोद कार्कीको छायांकन, अर्जुन पोखरेलको संगीत रहेको फिल्मको सम्पादन भने निमेष श्रेष्ठले गरेका हुन् ।