चलचित्र विकास बोर्डका अध्यक्ष केशव भट्टराईको निधन
३० मंसिर, काठमाडौं । चलचित्र विकास बोर्डका अध्यक्ष केशव भट्टराईको निधन भएको छ । लामो समयदेखि नेपाली चलचित्र क्षेत्रमा सक्रिय भट्टराईको सोमबार बिहान ३ बजे निधन भएको हो । उनको राजधानीको ओम अस्पतालमा उपचारका क्रममा मृत्यु भएको हो । अचानक हृदयाघात भए पछि उनलाई उपचारका लागि आइतबार राति अस्पताल पुर्याइएको थियो ।
५४ वर्षीय भट्टराईले दर्जनौं चलचित्रहरु तथा टेलिसिरियलमा अभिनय गरेका थिए । यस्तै उनले ‘आफ्नो मान्छे’, ‘छोडी गए पाप लाग्ला’, ‘देवर बाबु’, ‘कर्मयोद्दा’, ‘सो सिम्पल’, ‘ब्रासलेट’, ‘यात्रा’ लगायत नेपाली चलचित्र निर्माण गरेका थिए ।
प्रकाशित मिति : ३० मंसिर २०७६, सोमबार ०५:५३
