नायिका केकी अधिकारीसहित कलाकार चढेको स्कोर्पियो दुर्घटना

५ असोज, रौतहट । नायिका केकी अधिकारीसहित कलाकार चढेको स्कोर्पियो दुर्घटना भएकाे छ । काठमाडौँबाट सामाजिक सचेतना जगाउने गीतको छायाँकनको लागि हिडेको बा २० च ५४१० नम्बरको स्कोर्पियो आज बिहान रौतहटको कटहरिया १  बाटोबाट करिब ६ फिट तल खसेको हो ।

दुर्घटनामा परि फिल्म निर्देश पुर्नेन्दु झा, नायिका केकी अधिकारी, मोडेल रचना शिवाकोटी ,फिल्म छायाँकार आलोक सुक्ला, कलाकार विजय यादव निर्बिज, चालक सुजन पोखरेलमध्ये केहि समान्य घाइते भएका छन् ।

कटहरियामा सामान्य उपचार गराएपछि कलाकारहरु अहिले रेस्टमा रहेकाे बताइएकाे छ । सामाजिक सचेतना जगाउने गीत ‘घुङटामे कबले तु रहबु अधिकार अपन माङ हे बहुरिया’ लगायत ४ वटा बजिक्का भाषाका सचेतना गीतको छायाँकनका लागि उनीहरु त्यहाँ पुगेका थिए ।