बंगलादेश ट्राभल फेयरमा सहभागी हुन नाट्टाको टिम भोलि ढाका जाँदै
४ वैशाख, काठमाडौँ । बंगलादेश ट्राभल फेयरमा नेपालबाट नाट्टाको नेतृत्वमा टिम सहभागी हुने भएको छ । नाट्टाका अध्यक्ष सिएन पाण्डेले दैनिकीसँग कुरा गर्दै बंगलादेश ट्राभल फेयरमा नाट्टा महासचिव रमेश थापाको नेतृत्वमा १० कम्पनीका २० प्रतिनिधि सहभागी हुने जानकारी दिए ।
अध्यक्ष पाण्डेको अनुसार बुधबार बिहान नाट्टाको प्रतिनिधिमण्डल फेयरमा सहभागी हुन ढाका प्रस्थान गर्नेछ । विगतकाे वर्षहरुमा जस्तै नाट्टाको संयोजकत्वमा फेयरमा सहभागिता जनाउन लागिएको हो । नाट्टाका फेयर संयोजक हेमराज बस्तोला पनि बंगलादेश ट्राभल फेयरमा सहभागी हुनेछन ।
प्रकाशित मिति : ४ बैशाख २०७५, मंगलवार १९:३५
