फेरि बढ्यो पेट्रोलिय पदार्थको मूल्य, पेट्रोलमा १ र डिजेल तथा मट्टितेलमा २ रुपैयाँ वृद्धि

३ वैशाख, काठमाडौँ । नेपाल आयल निगमले पेट्रोलियम पदार्थको मूल्यवृद्धि गरेको छ । निगमले आज रातिदेखि लागू हुनेगरी पेट्रोलमा प्रतिलिटर एक रुपैयाँ र डिजेल तथा मट्टितेलमा प्रतिलिटर दुई–दुई रुपैयाँ बढाएको छ ।

बढेको मूल्य अनुसार अब पेट्रोलको भाउ प्रतिलिटर १ सय ६ रुपैयाँ र डिजेल तथा मट्टितेलको भाउ प्रतिलिटर ८७ रुपैयाँ कायम भएको छ । निगमले यसअघि चैत १९ गते मात्र पेट्रोल र डिजेल तथा मट्टितेलको भाउ दुई रुपैयाँले बढाएको थियो । केपी ओली नेतृत्वको सरकार आएपछि पेट्रोलिय पदार्थमा भएको यो दोस्रो मूल्यवृद्धि हो ।