नुवाकोटको चाैघडामा व्यक्तिको जग्गा विद्यालयको कब्जामा, परिवार नै बन्यो सुकुम्बासी (प्रमाणसहित)

–पवित्रा मुडभरी

२ असार, काठमाडाैँ । नुवाकोटको लिखु गाउँपालिका वडा नम्बर ४ को चौघडामा व्यक्तिको जग्गा विद्यालयले कब्जा गरेर एउटा परिवारलाई सुकुम्वासी बनाएको खुलासा भएको छ । अझ डर लाग्दो पाटो त के छ भने विद्यालयको नाममा व्यक्तिको जग्गा कब्जा गराउनेहरूले नै पीडितलाई भूमाफियाको आरोप लगाएर सञ्चार माध्यममार्फत बद्ननाम गराउने कामको सुरूवात गरेका छन ।

चौघडाका रामबहादुर राई क्षेत्रपाल माविले सुकुम्वासी बनाएपछि धेरैवर्षदेखि वेपत्ता छन । उनका छोराहरूले गुमेको सम्पत्ति फिर्ताका निम्ति नियम अनुसारको प्रयास गर्दा अहिले भूमाफियाको आरोप खेपेकामात्र छैनन् त्यही भनेर उनीहरूको सार्वजनिक वेइजति गराइएको छ । २०१७ सालमा रामबहादुर राईको नाममा दर्ता भएको जग्गा जुन जग्गाको उनले मालपोत समेत बुझाएका छन सोही जग्गा २०३४ सालमा तत्कालीन प्रधानपञ्चले व्यक्तिगत दुष्मनीको आधारमा विद्यालयको नाममा पारिदिएको प्रमाणहरू दैनिकीले प्राप्त गरेको छ ।

तत्कालीन अवस्थामा उपप्रधानपञ्च रहेका व्यक्तिले भने रामबहादुर राई माथि त्यतिखेर अन्याय भएको भन्दै उनको न्यायका निम्ति आवाज उठाइरहेका छन । रामबहादुर राई हाल आफ्नो गुमेको सम्पत्ति फिर्ता पाउनका निम्ति काम गरिरहेका विदुर, केशव र दीपक राईका पिता हुन । जो यही सम्पत्तिका कारण विरक्तिएर हिडेँ आजसम्म पनि परिवारको सम्पर्कमा रहेका छैनन् ।

२०३४ सालअघिको प्रमाण रामबहादुरसँग छ विद्यालयसँग छैन

प्राप्त प्रमाण केलाउँदा हाल क्षेत्रपाल माविको नाममा रहेको जग्गा एकै पटक विद्यायको नाममा आएको देखिन्छ । जुन गलत ढंगले त्यतिखेरका प्रधानपञ्च नरबहादुर राईले पारिवारिक दुष्मनीका कारण रामबहादुर राईलाई समान्य सुइँको समेत नदिइ विद्यालय भन्दा झण्डै एक किलोमिटर पर रहेको जग्गा विद्यालयको नाममा नापी गराइको स्पष्ट देखिन्छ । जुन कुरा स्थानीय पाका मानिसहरूले समेत बताउँदै आएका छन । पीडित रामबहादुर राई र तत्काली प्रधानपञ्च राई सम्धी समेत रहेको खुलासा भएको छ ।

२०३४ सलाको नापीको समयमा एकै पटक विद्यालयको नाममा देखिएको २९ रोपनी भन्दा बढी जग्गाको अहिले विद्यालयसँग भएको लालपुर्जा मात्रै हो । तर पीडित रामबहादुरको परिवारसँग २०१७ सालदेखि उक्त जग्गा आफ्नो भएको प्रमाण सुरक्षित छ । यो किन पनि सत्य रहेको छ भने विद्यालयसँग त्यसअघि जग्गाको उसैको रहेको सार्वजनिक मुचुल्का छैन्, राजिनामा पास भएर आएको भन्ने कुनै प्रमाण पनि छैन, छोडपत्रमार्फत आयो कि भन्न त्यसको पनि प्रमाण छैन । दानदातव्यबाट कसैले दिएको भन्न त्यसको पनि प्रमाण केही छैन । त्यसकारण एकै पटक २०३४ सालमा जालझेल पूर्ण तरिकाले व्यक्तिको जग्गा विद्यालयको नाममा नापेको स्पष्ट हुन्छ ।

अधिवक्ता साध्यबहादुर भण्डारी जो नेकपाका नेता पनि हुन । उनी राइ परिवारको न्यायका निम्ति यस घटनाका बारेमा खोजविन गरिरहेका छन । जसले त्रिशुली खबरका लव प्याकुरेलसँग कुरा गर्दै उनीमाथि लागेको आरोपको समेत खण्डन गरेका छन । उनले राइ परिवारको न्यायका निम्ति आफू अन्तमिसम्म लड्ने बताएका छन । भिडियो सौजन्यः त्रिशुलीखबर

घटना वास्तविकता प्रमाणमा हेर्नुहोस्, विद्यालयको नाममा यसरी बनाइयो व्यक्तिलाई सुकुम्बासी 

न्युज २४ टेलिभिजनमा प्रसारित रिपोर्ट जहाँ पीडितलाई भूमाफियाको बिल्ला भिराउने कोशिश भएको छ ।