एमाले प्रदेश ४ को संसदीय दलको उपनेतामा किरण गुरुङ चयन
२८ चैत, कास्की । नेकपा एमाले प्रदेश नम्बर ४ संसदीय दलको उपनेतामा किरण गुरुङ चयन भएका छन् ।
आज कास्कीको पोखरामा बसेको संसदीय दलको बैठकले गुरुङलाई संसदीय दलको उपनेतामा चयन गरेको हो ।
गुरुङ एमाले पार्टीको प्रदेश संयोजक तथा स्थायी कमिटी सदस्य समेत रहेका छन् भने प्रदेश सरकारको अर्थ तथा योजना मन्त्री पनि हुन् । उनी यसअघि केन्द्र सरकारको वनमन्त्री भइसकेका व्यक्ति पनि हुन् ।
बैठकले प्रमुख सचेतकमा भने लम्जुङबाट निर्वाचित प्रदेशसभा सदस्य मायानाथ अधिकारीलाई चयन गरेको छ । उनी एमाले केन्द्रीय सदस्य हुन् ।
प्रकाशित मिति : २८ चैत्र २०७४, बुधबार ११:१०
