भारतमा मानार्थ विद्याबारिधि ग्रहण गरी प्रधानमन्त्री ओली आज स्वदेश फर्कदै
२५ चैत, काठमाडौं । प्रधानमन्त्री केपी शर्मा ओली भारतको तीन दिने राजकीय भ्रमण पूरा गरी आज स्वदेश फर्कंदै छन । पूर्वनिर्धारित कार्यतालिका अनुसार ओली आज साँझ स्वदेश फर्कदैछन ।
ओली नेपाल वायु सेवाको नियमित उडाबाट स्वदेश फर्कने प्रधानमन्त्रीको सचिवालयले जनाएको छ । ओली गत शुक्रबार भारतीय समकक्षी नरेन्द्र मोदीको निम्तोमा ५४ सदस्यीय नेपाली टोलीको नेतृत्व गर्दै भारत गएका थिए ।
भ्रमणका क्रममा विभिन्न राजनीतिक भेटघाट तथा सम्झौता गरेका ओली भ्रमण सकाएर साँझ स्वदेश फर्कन लागेका हुन् । स्वदेश फर्कनुअघि ओली उत्तराखण्डको पन्तनगरस्थित कृषि विश्वविद्यालयको दीक्षान्त समारोहमा सहभागी हुँदैछन् । त्यहाँ ओलीलाई मानार्थ विद्याबारिधिबाट विभूषित गर्ने कार्यक्रम छ ।
प्रकाशित मिति : २५ चैत्र २०७४, आईतवार ११:४१
